გაკვეთილის გეგმა

სატელევიზიო სამყარო

სასწავლო პროექტი ინგლისურ ენაში

1.                

პროექტის სახელწოდება: „ევროპის ქვეყნების ტურისტული ღირსშესანიშნაობანი“;

პროექტის მთავარი იდეა: მოსწავლეებმა აიმაღლონ ცოდნის დონე ევროპულ ქვეყნებთან მიმართებაში, ჩამოუყალიბდეთ ევროპული ცნობიერება, გაიუმჯობესონ თანამშრომლობის უნარ-ჩვევები;

პროექტის აქტუალობა: მომავალ თაობებში ევროპული ცნობიერების გამყარებას და საქართველოს ევროინტეგრაციას სასიცოცხლო მნიშვნელობა აქვს ჩვენი სამშობლოს მომავლისათვის;

პროექტის მიზნები: მოსწავლემ გაიუმჯობესოს მოსმენის, კითხვისა და ჯგუფური მუშაობის, თანამშრომლობისა და ინფორმაციის სისტემატიზაციის უნარ-ჩვევები; შეივსოს ლექსიკური მარაგი ინგლისურ ენაში; შეძლოს ნებისმიერი ქვეყნის შესახებ სარეკლამო ხასიათის ტექსტის (ტურისტული გზამკვლევი, საინფორმაციო ბუკლეტი) შექმნა და პრეზენტაცია ინგლისურ ენაზე.

მონაწილეთა ასაკი: 15-16 წელი.

ვადები/ხანგრძლივობა: 5-6 კვირა.

მოსალოდნელი შედეგები/პროდუქტები, რაც შეიძლება შეიქმნას: ტურისტული გზამკვლევი ან/და საინფორმაციო ბუკლეტები ევროპის ქვეყნების შესახებ.

პროექტისათვის საჭირო ძირითადი რესურსები: კომპიუტერი, პროექტორი, პრინტერი, ფლიპჩარტი, საწერი ფურცლები, ფერადი მარკერები, ფერადი ფანქრები...

პროექტის მსვლელობა (ძირითადი აქტივობები):

-         პროექტის მონაწილეები იყოფიან 4 ჯგუფად (თითოეულ ჯგუფში არაუმეტეს 4 მოსწავლე);

-         თითოეული ჯგუფი ირჩევს სხვადასხვა ევროპულ ქვეყანას;

-         ჯგუფში მოსწავლეები ინაწილებენ ფუნქციებს: ერთი აგროვებს ინფორმაციას არჩეული ქვეყნის გეოგრაფიული მდებარეობისა და სიმბოლოების (დროშა, გერბი, სხვა) შესახებ; მეორე - ამ ქვეყნის შესახებ ძირითად ისტორიულ ცნობებს; მესამე - ამ ქვეყნის ტურისტული ღირსშესანიშნაობების შესახებ ინფორმაციას; მეოთხე - ამ ქვეყნის ცნობილი ადამიანების შესახებ ინფორმაციას;

-         ჯგუფის ირჩევს ლიდერს, რომელიც ახდენს შეგროვილი ინფორმაციის სისტემატიზაციას;

-         ჯგუფი მასწავლებელთან გადის კონსულტაციებს შეგროვილი ინფორმაციის თაობაზე;

-         ჯგუფი ამზადებს საინფორმაციო ბუკლეტს ქვეყნის შესახებ;

-         ჯგუფი ახდენს მისი ნაშრომის პრეზენტაციას გაკვეთილზე Ms Powerpoint-ში მომზადებული სლაიდ-შოუს მეშვეობით;

-   ჯგუფების მიერ მომზადებული პრეზენტაციების საფუძველზე მასწავლებლის მეთვალყურეობით მოსწავლეები აკეთებენ ტურისტულ გზამკვლევს ევროპის შესახებ;

-         მოსწავლეთა შეფასება ხდება ანალიტიკური შეფასების რუბრიკის მეშვეობით;

საგნებთან/საგნობრივ ჯგუფებთან/ეროვნული სასწავლო გეგმასთან კავშირი: 
          პროექტი ინტეგრირებულია  ისტორიასთან, გეოგრაფიასთან, ასევე სამოქალაქო განათლებასთან; ესგ სტანდარტი და ინდიკატორები:

- უცხ.ს.V.4. მოსწავლე კითხულობს და იგებს სხვადასხვა თემაზე შექმნილ შემეცნებით    ტექსტს  (ისტორიული, კულტურული, არქეოლოგიური, გეოგრაფიული, ეკოლოგიური და სხვა).

- უცხ.ს.V.8. მოსწავლე ამოიცნობს  ტექსტის  სტრუქტურულ მახასიათებლებს, ნასწავლ ენობრივ-გრამატიკულ ფორმებსა და მათ ფუნქციას შინაარსიან კონტექსტში.

- უცხ.ს.V.11. მოსწავლე ეუფლება სქემატური ჩანაწერების სხვადასხვა ტექნიკას.

- უცხ.ს.V.13. მოსწავლე წერს სარეკლამო ხასიათის ტექსტს (ტურისტული გზამკვლევი, ინფორმაციული ბუკლეტი).

- უცხ.ს.V.14.  წერისას  მოსწავლე ქმნის ტექსტის სტრუქტურას,  იძენს და ფუნქციურად იყენებს საბაზისო ენობრივ-გრამატიკულ უნარ-ჩვევებს. 

- უცხ.ს.V.15. მოსწავლე იძენს და იყენებს წერის ეფექტურ სტრატეგიებს წერის პროცესის ყველა ეტაპზე (მოსამზადებელი, ტექსტის შედგენა, ტექსტის გაუმჯობესება).

- უცხ.ს.V.19. წარმოადგენს ზეპირ მოხსენებას (პრეზენტაციას) მისთვის საინტერესო თემაზე.

- უცხ.ს.V.22. მოსწავლე იჩენს ინტერესს და ავლენს ტოლერანტულ დამოკიდებულებას კულტურული თავისებურებების მიმართ.

- უცხ.ს.V.24. მოსწავლეები ამუშავებენ უცხოურენოვან წყაროებს/ტექსტებს შემდგომი გამოყენებისათვის (მაგალითად,  მასალის მოძიება-შეგროვება  სასკოლო პროექტების განსახორცილებლად).

- უცხ.ს.V.27. მოსწავლე იყენებს რესურსებს სასწავლო საქმიანობის ხელშეწყობის მიზნით.

- უცხ.ს.V.29. მოსწავლე თანამშრომლობს თანაკლასელებთან, მასწავლებელთან, მეწყვილესთან შედეგების გაუმჯობესების მიზნით.

პროექტის ხელმძღვანელი (მასწავლებელი): გიორგი ივანიაძე

 ხელმძღვანელის ელ. ფოსტა: giorgivani777@gmail.com

პროექტის ვებგვერდი/ბლოგი: https://ivaniadze.blogspot.com/